Reprise de la SNCM : rien de bien nouveau
(A redazzioni d'Alta Frequenza) - Ùn c'hè statu nulla di novu pà daveru ssu marcuri in u tribunali di cummerciu di Marseghja pà ciò chì cuncerna l'avvena di a SNCM. Quattru ufferti sò stati prisintati oghji, ma s'hà da sapè solu u 28 d'uttrovi chì cumpagnia o chì consortium d'intrapresi sarà ritinutu. Daniel Berrebi hè statu u solu à pona un'ufferta migliurata oghji è ùn si sà nulla pà ciò chì tocca i trè altri ufferti, ciò chì pò lacà pinsà ch'elli sò listessi di pettu à quilli chì sò stati prisintati calchì ghjornu fà. A risposta sarà cunnisciuta dunqua da quì à una sittimana, forsa, parchì ci pudaria essa torna un evenimentu novu chì pudaria fà chì u tribunali di cummerciu rimandissi torna a so dicisioni à un'antra data.
Sur le même sujet
