Report de la réunion de Paris : le courrier de Gérald Darmanin à Gilles Simeoni
U guvernu francesu ùn la farà, issa riunioni privista vennari in parigi cù l’eletti corsi.
In un currieri mandatu à Gilles Simeoni, gérald darmanin scrivi chì « à veda ni i dui sittimani scursi, ùn si pò chè custatà chì i cundizioni d’un dialugu nurmalizatu ùn ci sò ».
« Ci sò stati circa 43 azzioni o manifistazioni, guasgi tutti tocchi da atti viulenti, in prisenza d’eletti chì duviani participà à i riunioni privisti in parigi. 59 parsoni sò stati ferti, ch’iddi sichini manifistanti o di i forzi di l’ordini, è cundannazioni publichi ùn ci n’hè statu ».
Dici u ministru francesu darmanin chì « iss’evenimenti ùn si poni accittà, ch’idda sichi pà a dimucrazia ch’ùn devi essa indulgenti cù a viulenza, o pà i corsi iddi stessi, ch’ùn accunsentini à iss’evenimenti ».
« Hè par quissa ch’e’ socu custrettu à attimpà a riunioni privista vennari », dici u ministru francesu di l’internu.
In chjudenda, pricisa chì « ben’intesa u guvernu lla ripublica hè in i stessi dispusizioni d’apartura è di dialugu, à tempu vultatu u calmu ».
Gilles Simeoni ùn n’hà fattu cumentu d’issa dicisioni.
