Le Direct

Rentrée de la Cour d'Appel de Bastia sur fond d'inquiétudes sur les moyens de la justice

A Corti d’Appellu di Bastia hà fattu a so riintruta in fin’di sittimana passata.

Jean-Jacques Fagni, u prucuratori ginirali, è François Rachou, u primu prisidenti lla Corti d’Appellu, ani fattu u bilanciu lla ghjuridizzioni bastiaccia pà issu 2021.

A Corti d’appellu hà ritrovu un’attività guasgi para à quidda llu 2019, l’ultima annata d’innanzi à u COVID. Hè ancu riisciuta à fà calà i so cartulari di guasgi 15 %. U parcintuali di passaghja in cassazioni, dopu à i ghjudicamenti lla Corti d’Appellu, hè statu divisu par dui.

Ancu puri ch’idd’achini datu calchì fiatu, certi posti cuntrattuali, mancani sempri, è ancu bè, posti assicurati à longu andà. È l’affari ùn hè d’avali.

È u pinseri cresci, cù i riformi novi à vena, chì ani da rimpiazzà quiddi più anziani, ch’ùn sò mancu stati missi tutti in anda.

Steti à senta à Jean-Jacques Fagni, u prucuratori ginirali lla Corti d’Appellu di Bastia.