Le Direct

Rénovation de la Cité des Monts : la réponse d'Emmanuelle de Gentili pour la mairie de Bastia

(A ridazzioni d'Alta Frequenza) - Sò unipochi di ghjorna ch’idda ci hè una liti par ciò chì tocca à u prughjettu di rinovu urbanu di « La Cité des Monts », in Bastia. È l’affari t’hà ancu dighjà u culori d’una campagna alitturali pà i municipali llu 2020. U prughjettu attuali prividi di lampà i bastimenta 32 è 33, ma sò trè famiddi par quattru ad avè signatu una pitizioni da cuntistà issa scelta. L’abitanti cuntistatarii sò sustinuti da u MDC di François Tatti. Da i parti lla mirria, ùn si hè tantu cuntenti di veda nascia liti solu pà issi dui bastimenta, in un prughjettu chì conta 750 alloghja. Emmanuelle de Gentili, a prima aghjunta à u merri di Bastia in carica d’issu cartulari, dici chì, qual’ch’idda sichi a suluzioni scelta, ci hà da vulè ch’iddi lachini issi bastimenta l’abitanti, ma ch’iddi sarani priuritarii pà l’alloghji suciali in issu quartieri.
Stemu à senta à Emmanuelle de Gentili