Refus du régime de semi-liberté de Pierre Alessandri : l'Assemblée de Corse suspend ses travaux
Da marcà di manera sullenna a so indignazioni, l’assemblea di Corsica, in accunsentu cù u cunsigliu esecutivu, hà dicisu di chjuda di manera anticipata a so sissioni.
Issa dicisioni hè stata presa da a cunfarenza di i prisidenti è da u prisidenti di l’esecutivu, dopu ch’idda sichi stata righjittata, una volta di più, a dumanda di meza libartà di Pierre Alessandri.
« Issa dicisioni ùn hè capita è hè inghjusta. Ancu a so mutivazioni ùn hè capiscitoghja, postu chì, da ghjustificà u mantinimentu in prighjoni di Pierre Alessandri, hè spostu chì a so libarazioni, dopu à 23 anni d’incarciarazioni, purtaria u risicu di disturbà l’ordini publicu », dicini l’eletti chì cunsidarighjani ch’iddu hè u mantinimentu di Pierre Alessandri è Alain Ferrandi in prighjoni chì porta issu risicu.
L’eletti cunsidarighjani chì l’arrestu resu veni à cuntrarià à logica d’appaciamentu chì cundiziunighja a riescita di i niguziati trà a Corsica è u statu.
L’assemblea di Corsica è u cunsigliu esecutivu ani riaffirmatu a so esigenza di virità è di ghjustizia, par ciò chì tocca à i cundizioni di l’assassiniu d’Yvan Colonna. Tocca dunqua à u guvernu di fà rinascia à u più prestu i cundizioni pulitichi d’un dialugu sirenu è di a cunfidenza spartuta.
Sur le même sujet
