Le Direct

Refus du préfet de fermer les écoles des communes limitrophes d'Aiacciu : la réaction de Valérie Bozzi

Valérie Bozzi, maire de Grussetu Prugna Purtichju

Issu luni, i merri di i cumuni cunfinaghji d’Aiacciu ani dumandatu à u prifettu di chjuda stabilimenti sculari è ciucciaghji.

L’eletti di a CAPA, di u Prunelli è di l’Ornanu si sò trovi cù u riprisintenti llu statu, ch’ùn hà datu accunsentu à a so dumanda.

I scoli di i cumuni cunfinaghji d’Aiacciu si fermani dunqua aparti issu marti.

À senta à Valérie Bozzi, a merri di Grussetu è a Prugna, ind’iddi sò signalati quattru casi pusitivi, ùn si pò fà senza issa chjuditura. Masimu chì, senza cuntà a circulazioni trà Aiacciu è i paesi vicini, u casu di Grussetu a impinsirisci à veru, postu ch’iddi ci stani parichji parsoni anziani, ch’iddu ci voli à pruteghja à veru.

I merri di l’intercumunalità ani ancu pinsatu à piddà un arrestu di chjuditura. Ma quissa, ùn si pò sempri fà.

Stemu à senta à Valérie Bozzi.