Réforme territoriale pour la Corse : la position d'Europe Ecologie les Verts
(A redazzioni d'Alta Frequenza) - Europe Ecologie les Verts ùn hè micca cuntentu, in particulari a so secretaria regiunali, Julia Sanguinetti, cuncirnendu a riforma istituziunali di a Corsica. Dopu a riunioni di luni in Parighji induva una dilegazioni d'eletti isulani hà scuntratu i ministri di l'Internu è di a Dicintralisazioni, u calendariu pà a missa in opara di a famosa cullittività unica in u 2018 hè statu ditagliatu è validatu. Un calendariu chì cuntintaria l'eletti corsi d'appressu à Julia Sanguinetti, è chì laca d'appressu à ella a pussibilità di ùn veda mai a minima riforma vera nascia, in tutti i casi in materia di suppressioni di i dipartimenti è di riurganisazioni demucratica di l'isula. Ùn ci vulia micca à accittà un'appiecazioni in u 2018 dopu à l'alizzioni presidenziali, dici dinò quissa quì. Aldilà di ssu prublema di calendariu, Europe Ecologie les Verts faci cunnoscia riservi pà ciò chì tocca u cuntinutu à dà à ssa riforma, chì, sicondu u partitu par avà, lacaria micca troppu piazza à un funziunamentu di i più demucratichi à parechji nivelli.
Steti à senta à Julia Sanguinetti.
Sur le même sujet
