Le Direct

Réforme territoriale en Corse : un rôle d'arbitre pour l'Etat ?

(A redazzioni d'Alta Frequenza) - U prifettu di Corsica, u diputatu di Corsica Suttana, i presidenti di a Cullittività di Corsica, quilli di i dipartimenti, i merri è i raprisintanti d'EPCI, c'era u mondu vennari in u Palazzu di i Cungressi d'Aiacciu pà l'attelli di l'Associu di i merri di Corsica Suttana. Ci voli à dì chì i temi scelti erani propiu d'attualità, bullenti si pudaria dì, è liati à un almanaccu assai strettu. Chì sarà a spartera di i cumpitenzi pà u cambiamentu istituziunali ? Chì guaranzii pà i cumuni in a difinizioni nova di u partinariatu finanziariu ? Sughjetti caldi chì ci hà da vulè ad arrigulà nanzi à a fini di l'annu. À l'apartura di a seenza ssu vennari da mani, Gilles Simeoni hà vulsutu chjarificà certi affari. A riforma hè principata è u fattu ch'ella andessi fin'è a so fini hè dunqua di primura. U Statu ghjoca un rollu impurtanti in ssa partitona induv'ellu hè dinò arbitru ? U prifettu di Corsica hà rispostu à ssa dumanda diretta.

Steti à senta à Bernard Schmeltz.