Réforme institutionnelle : Corsica Libera souhaite une unité de la famille nationaliste
(A redazzioni d'Alta Frequenza) - Ssu vennari, Corsica Libera facia a so riintrata pulitica. È a priurità di ssu principiu di staghjoni pulitica era ben intesu u votu nant'à a riforma istituziunali à a fin di sittembri à l'Assemblea di Corsica. In ssa perspettiva quì, u partitu hà fattu sapè di manera chjara a so voglia di veda a famighja naziunalista sana sana, vali à dì cù u muderati di Femu a Corsica, sprima si cù una voci sola duranti ssu dibattitu è ssu votu pà rinfurzà a purtata di a pusizioni naziunalista nant'à u cartulari. Pà Corsica Libera, hè impurtantissimu di dimustrà un'unità nant'à ssu cartulari, è què ancu s'è à l'uccasioni di i municipali, ùn ci duvaria micca essa listi d'unioni, ancu puru s'è ind'u casu di una cità com'è Aiacciu, ci sò neguziazioni micca ufficiali. Una riintrata chì fù dinò l'uccasioni di ripighjà à l'usu corsu un'infrasata famosa di Jean Pierre Chevènement pà dì la à i membri di l'esecutivu in disaccordu cù Paul Giacobbi nant'à u statutu di residenti : ”un conseiller exécutif, ça ferme sa gueule, si ça veut l’ouvrir, ça démissionne”.
On écoute Jean-Guy Talamoni pour Corsica Libera.
Sur le même sujet
