Réforme des retraites : la réaction des députés nationalistes corses
Sò mancati novi diputata à a muzioni di cinsura purtata da Charles de Courson à nomu di u gruppu LIOT.
Issa muzioni di cinsura, mutivata da l’aprodu di l’articulu 49-3 par fà passà a cuntistatissima riforma lli ritirati, hà ciambuttatu bè u ghjocu puliticu, chì l’ani cursa brutta Emmanuel Macron è u guvernu d’Elisabeth Borne.
Certi n’ani chjamatu à a dimissioni di a prima ministra è di u so guvernu.
A pusizioni di u gruppu LIOT è di i trè diputata naziunalisti corsi, chì ani vutatu issa muzioni, hè chjara : Macron devi ritirà issa riforma o avvià un rifarendu.
Ferma issa quistioni : avendu vutatu issa muzioni contru à un guvernu incù u quali si discorri di l’avvena stituziunali di a Corsica, ci sarà calchì piriculu di veda issi scambii allungà si la, o ancu firmà si ?
Jean-Félix Acquaviva, u diputatu lla siconda circuscrizzioni Cismuntinca, ùn la pensa cusì.
Steti lu à senta
Ùn dici altru Paul-André Colombani, u diputatu lla siconda circuscrizzioni llu Pumonti.
À senta lu, u guvernu francesu hè capaci à truvà a via in mezu.
Steti à senta à Paul-André Colombani.
