Réforme administrative : la Corse gardera ses deux départements
(A redazzioni d'Alta Frequenza) - "Nè a prisenza di una prifittura in Bastia, nè quilla di i sottu prifitturi ùn poni essa rimissi in causa da a riforma", hè solu una piccula infrasata ma carca à sensu è à cunsiquenzi pà tutti quilli, è sò numarosi in Corsica, chì s'intarrugheghjani annant'à i cunsiquenzi di a riforma. A riforma, hè di sicuru quilla chì in u 2018 farà nascia una cullittività unica in Corsica. In una lettara di u 29 d'uttrovi, Bernard Cazeneuve rispondi à Paul Giacobbi chì l'hà interpellatu di una manera assai pricisa annant'à ssu tema. A risposta di u ministru di l'Internu hè pricisa dinò ella; ss'ultimu aghjusta chì i difficultà di circulazioni è d'accessibilità, par asempiu, ùn rendini micca pussibuli a cuncintrazioni di l'amministrazioni in Aiacciu. A Corsica tinarà dunqua, ancu cù a nascita di una cullittività unica, i so dui prifitturi è i so trè sottu prifitturi, ciò chì hà da rassicurà una mansa di parsoni.
Sur le même sujet
