Refondation de l'école : les syndicats d'enseignants vigilants
(A redazzioni d'Alta Frequenza) - Rifundemu a scola ! Iss'impegnu di u novu guvernu, lanciatu u 4 di lugliu, hà vistu a so prima traduzzioni cù u lanciamentu oghji (luni) in Aiacciu, in tutti i casi pà ciò chì tocca à u so latu isulanu. Istituzioni, urganisimi è strutturi partenarii di l'Educazioni Naziunali erani invitati, à traversu parechji attelli, pà cumincià u grandi dibattitu nant'à ciò chì sarà a scola di dumani. Quissa quì duvarà sbuccà principiu d'uttrovi à a prisintazioni di un raportu chì duvarà aiutà dopu u guvernu à pighjà urientazioni novi pà l'Educazioni Naziunali. A Corsica conta d'accuppà bè tuttu u so spaziu inde issu dibattitu maiò è què soprattuttu chì t'hà affari à dì pà ciò chì tocca à un sistema d'educazioni dicintralizatu, o in tutti i casi menu ghjacubinu. Hè ciò chì hè stata ditta oghji di modu più cà chjaru da u prifettu di Corsica è u rettori di l'accademia di Corsica. I sindicati di l'Educazioni Naziunali erani prisenti ben intesa è ani accoltu cù suddisfazioni u spiritu novu drentu à a casa maiò. A fini di a pulitica ditta à u numaru di l'effettivi, tinuta cara da l'ecchisi guvernu, hè una bella suddisfazioni pà u mondu di l'insignanti, ma quissu quì farà casu daveru quantunqua nant'à l'evuluzioni di i cosi, com'è a ci dici Charles Casabianca, pà a FSU di Corsica.
Écoutez-le.
Sur le même sujet
