Le Direct

Redécoupage cantonal en Haute-Corse : Ghisonaccia, canton de la discorde

(A redazzioni d'Alta Frequenza) - A nova urganisazioni cantunali hè stata validata da u cunsighju ghjinirali di Corsica Suprana, 21 di i 30 cunsighjeri ghjinirali avendu vutatu pà ssa nova carta. Ma certi cantoni è a so cumpusizioni ani fatu nascia a scuntintezza prufonda di l'eletti, com'è Francis Giudici, cunsighjeru ghjinirali di u cantonu di Ghisoni, custituitu par avà di stu paesi, di A Ghisunaccia, Lugu di Nazza è Poghju di Nazza. U so cantonu saria spiccatu in dui parti, postu chì A Ghisunaccia divintaria u centru di un novu cantonu di 20 cumuni di 8 967 abitanti, mentri chì Ghisoni, Lugu di Nazza è Poghju di Nazza passariani ind'u novu cantonu di Prunelli di Fium'Orbu, di 14 cumuni è 8 549 abitanti, vali à dì un numaru d'abitanti dighjà appena sopra à i 20% di scartu cù a pupulazioni mezana pà ogni cantonu d'11 073 abitanti, limita imposta da a legi di a riforma. Malgradu tuttu, Francis Giudici spera chì i quattru cumuni si pudarani ritruvà infini ind'u listessu cantonu, è si teni prontu à andà davanti à u cunsighju di Statu s'ellu duvia divintà nicissariu, mentri chì calchì decina d'amministrati scuntenti ani urganizatu à listessu tempu un blucchimi filtranti di cuntestazioni in A Ghisunaccia.

Steti à senta à Francis Giudici.