Le Direct

Recours contre le résultat des municipales à Bastia : Pierre Savelli reste maire, mais perd un conseiller municipal et une partie du remboursement de sa campagne

Vennari, u tribunali amministrativu di Bastia hà fattu cunnoscia a so dicisioni pà a dumanda d’annulazioni di i municipali di Bastia, purtata da Jean-Sébastien de Casalta, Jean Zuccarelli è Jean-Martin Mondoloni.

A ghjuridizzioni hà suvitatu i ricumandazioni llu rapurtadori publicu, tinindu si ni à l’annulazioni di l’alizzioni di l’ultimu candidatu elettu à nantu à a lista di Pierre Savelli, Franck Dassibat. Hè statu ancu dicisu di diminuiscia u rimbursamentu lla campagna di Pierre Savelli.

U tribunali dici chì dui currieri mandati di ghjunghju llu 2020 da a prisidenti di l’Uffiziu Publicu di l’Abitatu lla Cullittività à i pighjunanti – parichji di quissi issendu alittori bastiacci – sò stati quant’è una prumuzioni pà Pierre Savelli, in cuntravinzioni cù u codici alitturali.

U tribunali dici ancu chì l’onori è l’unestità di certi candidati lla lista purtata à u sicondu ghjiru da Jean-Sébastien de Casalta sò stati missi in causa da Pierre Savelli, à nantu à un situ d’infurmazioni.

Vistu u scartu trà i dui listi à u sicondu ghjiru, iss’irrigularità ùn ghjustifichighjani l’annulazioni intigrali di l’alizzioni. Contani à bastanza, inveci, par cambià l’attribuzioni llu 43esimu postu di cunsiglieri municipali ».