Rassemblement de soutien à Vero
(A redazzioni d'Alta Frequenza) - À a chjama di un cullettivu impurtanti contr'à i ghjustizii d'eccezzioni, un'adunita di sustegnu à Guy Orsoni s'hè fatta oghji (dumenica) in Veru (Corsica Suttana). Rammintemi chì u ghjuvanottu principia u so quarantesimu ghjornu di greva di a fami. Voli, cù iss'azzioni quì, rivindicà a so nucenza inde dui cartulari struiti da a JIRS. Hè statu uspitalizatu, ma ricusa sempri d'essa missu sottu à parfusioni. U so babbu è dui altri parsoni ani dinò piantatu di nustriscia si. U scopu di l'adunita d'oghji era di sinsibulizà u più grandi numaru contr'à i ghjuridizzioni d'eccezzioni. Dumani (luni), pudareti senta ind'a nostra edizioni di 7 ori è 30 u sintimu d'Alanu Orsoni.
Sur le même sujet
