Rapprochement de trois prisonniers politiques : l'Associu Sulidarità interpelle Emmanuel Macron
(A redazzioni d'Alta Frequenza) - Cunfarenza di stampa nova cù una veghja ghjustu dopu ssu marcuri à sera davanti a prifittura d’Aiacciu pà l’Associu Sulidarità. L’associu di difesa di i prighjuneri pulitichi corsi è di i so famighji vulia dinunzià torna u fattu chì Cédric Courbey, Pasquale Pozzo di Borgo è Antoine Pes ùn sighini ancu stati avvicinati in Borgu. Pà Sulidarità, François Hollande è Emmanuel Macron ùn ani micca rispittatu a so parolla prisidinziali, è dici ch’ellu ùn voli più aspittà par chì ssi trè prighjuneri vultessini in Corsica. L’Associu lampa una chjama nova à u Statu è annunzia azzioni più duri da quì à calchì ghjornu s’è a situazioni ùn duvia micca evuluà d’una manera pusitiva pà i trè omi, ma dinò quilla di tutti i patriotti corsi incarciarati, cù torna è sempri una parolla maestra : AMNISTIA.
Steti à senta à Katty Bartoli pà l’Associu Sulidarità.
