Rapport d'information sur les déchets : de vives critiques dans l'hémicycle
« Dui punti di primura : u principiu lla gistioni publica lli rumenzuli è a so tarriturialisazioni ».
Eccu ciò ch’iddu hà dittu vennari Guy Armanet in apartura lla riunioni di l’assemblea, chì lintaia un ochji à u prughjettu di pianu tarrituriali di privinzioni è gistimentu lli rumenzuli.
« Si tratta chivi d’una prisintazioni à mutivu d’infurmazioni ma senza votu, d’un pianu impurtantissimu chì hà da cundiziunà i sei o dodici anni à vena », hà dittu u prisidenti di l’uffiziu di l’ambienti.
Pà Guy Armanet, issu ducumentu t’hà vucazioni à avvinghja ugni pussibilità.
Steti lu à senta.
U ducumentu prisintatu da Guy Armanet si hà buscu uni beddi pochi di critichi. Pà Jean-Christophe Angelini, issu ducumentu si pò cuntistà, ch’idda sichi pà a so forma o pà u so fundu.
Steti à senta i spiicazioni llu prisidenti di u gruppu Avanzemu.
U raportu prisintatu vennari ùn porta nudda di pragmaticu, nè mancu suluzioni à curtu o mediu andà è supr’à tuttu, ùn poni i fundamenti d’un veru prughjettu, hà dittu Jean-Martin Mondoloni.
Issu pianu ùn hè privistu pà gistì l’urgenza, postu ch’iddu ùn viaghjarà innanzi à u 2023. Calchì dicisioni, ancu puri par dispiacia, ci hà da vulè à piddà la, hà dittu l’elettu di « Un soffiu novu »..
Steti à senta à Jean-Martin Mondoloni.
Cori in Fronti hà fattu una critica tecnica è pulitica à tempu.
« Oghji, vuleti fà validà in issu pianu un incinnaratori à 143 000 tonni. Ci erami upposti. Oghji, hè impussibuli di discorra di u restu. U fundamintali hè quì. Deti validazioni à a logica di Veolia, di Suez, di Vinci, chì sò quì, pronti à agiscia », hà dittu Paul-Félix Benedetti chì no’ stemu à senta.
Sur le même sujet
