Quel modèle économique pour le sport corse de haut niveau ?
(A redazzioni d'Alta Frequenza) - Chì mudellu ecunomicu pà u sport corsu d'altu nivellu ? Era u tema d'una ghjurnata di travaghju urganizata ssu vennari in a Cullittività Tarrituriali di Corsica, diretta da u presidenti di l'Esecutivu, Gilles Simeoni. À ssa ghjurnata ani participatu i clubs di ballò di u SC Bastia, di l'AC Aiacciu, di u GFCA, di u CAB è di u GFC Aiacciu volleyball, ma dinò parechji cullittività publichi, fora di a CAPA è di u Cunsighju Dipartimintali di Corsica Sutttana chì ùn si sò micca spiazzati. Clubs spurtivi chì, di pettu à a calata di i mezi attribuiti da ssi stessi cullittivittà, par via di un quadru bughjettariu custrettu, devini pinsà di un'antra manera pà truvà risorzi novi chì li pudariani assicurà un avvena veru à mezu è longu andà, sempri cù azzioni à tempu à cortu andà. Una prublematica chì vali ancu di più, setti belli mesi à pocu pressu nanzi a nascita di a cullittività unica. Bilanciu pusitivu dopu à ssa ghjurnata, cù una brama assai custruttiva da tutti i parti, è a criazioni d'un gruppu di travaghju chì hè stata dicisa cù, ben intesu, altri appuntamenti privisti.
Steti à senta à Gilles Simeoni, u presidenti di l'Esecutivu di Corsica.
