Protocollu pà a guaranzia di i diritti linguistichi : u rollu di Parlemu Corsu
(Michaël Andreani - Alta Frequenza) - Si parla torna di u "Protocollu pà a guaranzia di i diritti linguistichi". Ramintemi chì si tratta di un ducumentu, fruttu di dibattiti trà sperti di i lingui è di i Diritti di l'Omu, chì prisenta una mansa di misuri pà pudè assicurà a diversità linguistica è guarantiscia i diritti di i cumunità linguistichi. I so prumutori baschi si movini oramai pà prisintallu à i sfarenti stituzioni in Auropa sana. U ducumentu hè dunqua statu ditagliatu ssu marti à l'eletti di a Cumissioni di u sviluppu suciali è culturali di l'Assemblea di Corsica, à i membri di u Cunsighju Ecunomicu, Suciali è Culturali, eppo à quilli di l'Assemblea di a Ghjuventù. Un protocollu chì pudarà sustena di più, à mezu o longu andà, a rivindicazioni di cuufficialità di a lingua corsa inde u raportu di forza cù u Statu.
Steti à senta à Micheli Leccia pà u cullittivu Parlemu Corsu.
Sur le même sujet
