Le Direct

Projet U Merca : François Tatti défend ce projet et tacle fortement la politique de la majorité municipale bastiaise

(A ridazzioni d'Alta Frequenza) - Ghjovi à sera, ci hè statu un dibattitu fattu da cumircianti bastiacci, chì aviani dighjà avviatu una pitizioni contru à u prughjettu dittu « U Mercà », in a zona industriali d’Erbaghjolu, in Bastia. Sò 350 ad avè signatu, è chì vurriani chì a SEM Bastia Aménagement rivica un prughjettu chì i cumircianti bastiacci pensani piriculosu pà a so attività. Hè cusì chì un panitteri, chì hè vicinu à a ZAE, hè tribbulatu à veru da l’apartura di dui panittarii, una in u prughjettu u Mercà, è una suttu à a marca Paul. Issu dibattitu t’hà a sumidda d’una campagna municipali capu nanzi trà Pierre Savelli, u merri di Bastia, uppostu à issu prughjettu, François Tatti, u prisidenti lla CAB, chì u difendi, ma dinò Paul-Félix Benedetti, di Cori in Fronti, chì rimpruvarighja à a maiurità tarrituriali d’ùn essa si impignata à veru contru à issu prughjettu. Pà i cumircianti bastiacci, chì dumandani ch’iddi si faccini assisi llu cumerciu, ma dinò una suspesa di l’usu di i tarrena, issu prughjettu ùn hà, ecunumicamenti, nisciun’ sensu.Stemu à senta à Jean-Baptiste Cantini, chì gistisci un cumerciu in u centru di Bastia, è chì hè à l’urigina lla pitizioni Cù issu dibattitu, l’arichji manca di François Tatti devi avè frisciatu à veru. U prisidenti lla CAB hà difesu issu prughjettu chì, par iddu, hà da permetta di mantena l’attività in Bastia. François Tatti chì d’altrondi si hè fattu acerbu, parlendu di a pusizioni di Pierre Savelli è di a so maiurità di pettu à issu prughjettu, ma dinò pà d’altri cosi, com’è u staziunamentu o u portu lla Carbunitta.

 U stemu à senta