Programmes européens : du concret sur le terrain
(A redazzioni d'Alta Frequenza) - U cumitatu di seguita dittu "pluri-fonds" di i prugrammi aurupei si hà da aduniscia dui ghjorni in Corsica. Issa riunioni, chì si teni dui volti à l'annu, t'hà pà scopu di fà un puntu nant'à u sfilà di i prugrammi aurupei in Corsica è frà altru quilli di u fondu aurupeu di sviluppu righjunali, u famosu FEDER. Bisognu à rammintà chì, da pudè schisà u sgaghjamentu d'uffiziu, a perdita di certi crediti, hè statu neguziatu, è uttenutu, chì prugrammi ch'ùn andavani micca prima ind'u filu di u FEDER andessini à prò, ciò chì hà parmissu di finanzià certi prughjetti. U locu di ritenzioni d'Alzu di Leva in Aiacciu hè inde issu casu quì, com'è u sistema di pruduzzioni d'acqua calda stallatu da ERILIA, inde l'HLM Mare è Monte. Comu u passaghju di issi fondu da un registru à un antru hè statu pussibuli? Hè a quistioni ch'e n'emi posta à Lucio Paderi, rispunsevuli di u prugramma corsu à a cumissioni aurupea.
Écoutez le
Sur le même sujet
