Processus de discussion entre la Corse et Paris : l'exécutif de Corse tape du poing sur la table et demande que les discussions s'ouvrent au plus vite
Pari ch’iddu volga ghjacia, l’esecutivu pariginu, intantu ch’iddu sichi sceltu u guvernu è ch’iddi passini l’alizzioni lighjislativi. L’esecutivu lla Corsica, inveci, s’infuriighja.
« Ciò chì si hè passatu veni à rinfurzà i nosci quistiunamenti. Pà l’almanaccu di i scontri, u prucessu hè suspesu, intantu ch’iddu affacchi u guvernu novu.
Sceltu ch’iddu sarà quissu, cù u periudu di riserva è a campagna pà i lighjislativi, parigi pudaria ancu prupona d’attaccà l’affari di sittembri. Cù un almanaccu di quissi, s’infangaria a dimarchja. Hè indispinsevuli di fà a prima riunioni in i ghjorna à vena ».
Cuntinuvighja, l’esecutivu lla Corsica, dindu chì « cacciati i disturbi di l’almanaccu, dipoi a visita di gérald darmanin, i signala mandati da parigi sò stati nigativi : dichjarazioni, mentri a campagna prisidinziali, da suttu bè à ciò ch’iddu s’aspetta pà l’autunumia ; silenziu longu di u guvernu dipoi l’alizzioni prisidinziali ; intarpillazioni viulenti d’agricultori, liceani è studianti ; terzu appellu contru à a dicisioni lli ghjudici di cunceda à Pierre Alessandri a meza libartà... ».
