Procès FIJAIT : la cour d'appel de Bastia requiert la confirmation des peines de première instance
(A ridazzioni d'Alta Frequenza) -Jean-Marc Dominici, Felix Benedetti è Stéphane Tomasini sò stati ghjudicati, issu marcuri dopu meziornu, davanti à a corti d’appellu di Bastia. U sughjettu n’era u so ricusu di suttimetta si à l’ublicazioni llu FIJAIT. I trè omini ani sceltu d’ùn dì nudda fora d’una dichjarazioni cumuna letta da Jean-Marc Dominici, par spiicà ch’iddi sò patriotti è micca tarruristi, è ch’iddi si sentini inghjuliati d’essa paragunati à i giadisti, postu ch’idd’hè par quissi chivi, à l’urighjina, ch’idd’hè statu fattu u FIJAIT. Pà l’avucata ghjinirali, Clémence Caron, a legi ùn ni faci diffarenza, trà l’uni è l’altri. Hà dittu, idda, chì i trè omini t’aviani a pussibilità di fà un ricorsu, da essa cacciati da u FIJAIT. Hà dumandatu cunfirma lla pena data in primu ghjudicamentu, di 500€ à chjocca. L’avucati Eric Barbolosi, Anaïs Colombani è Benjamin Genuini, ani dumandatu a discolpa di i trè omini, chì à senta li, u FIJAIT ùn hè una pena cumplimintaria. A corti d’appellu darà a so sintenza u 21 di nuvembri, à 2 ori llu dopu meziornu.
Stemu à senta à Eric Barbolosi.
Sur le même sujet
