Procès dit Orsoni : le parquet a fait appel
(A redazzioni d'Alta Frequenza) - U serviziu di ghjustizia generali d'Ecchisi hà dicisu di fà appellu di i dicisioni resi arimani (marti) in u quadru di u prucessu dittu "Orsoni" contr'à ottu di i dodeci parsoni chì erani ghjudicati. Ramintemi chì arimani (marti), a corti d'assisi di i Bouches du Rhône avia dichjaratu nucenti tutti l'accusati pà i dui assassinii è a prova d'assassiniu di u 2009 in Aiacciu è i so lochi, è chì erani u centru di u cartulari. In tuttu, dodeci parsoni erani ghjudicati dipoi l'11 di maghju in u quadru di ssu prucessu longu. Un prucessu novu, chì cuncirnarà par asempiu Guy Orsoni, si duvaria tena da quì à 18 mesi à pocu pressu.
