Procès des manifestations d'octobre à Bastia : les réquisitions
(A redazzioni d'Alta Frequenza) - Hè principiatu ssu ghjovi u prucessu di i deci parsoni incausati dopu à i manifistazioni di u 5 è di u 15 d’uttrovi in Bastia. Parechji rimprovari, da petri lampati fin’è u sustegnu lugisticu suppostu, pà i deci prutagunisti chì duranti un’audienza longa ani prisintatu a so virsioni di i fatti. Un’audienza assai longa dunqua chì ripighjarà ssu vennari à 9 ori, da fà ch’elli pudissini cuntinuà l’avucati dighjà principiati di a difesa. U ministeru publicu hà dumandatu pà contu soiu pà setti di i prutagunisti trà sei è ottu mesi di prighjoni attimpati, mentri chì cundanni trà sei mesi accumpagnati da a fini di un’attimpera di sei mesi, è d’ottu mesi sicuri sò stati dumandati contr’à dui altri parsoni. Infini, 2 000 auri d’amenda è a sarratura amministrativa pà un annu di u bar le Penalty, cunsidaratu com’è basa, sò stati dumandati.
Sur le même sujet
