Procès de Bruno Garcia-Cruciani pour le meurtre de Julie Douib : la douleur des familles au centre de la journée de lundi
Luni, à u prucessu di Bruno Garcia-Cruciani, assassinu presuntu di Julie Douib, ani tistimugnatu i parenti lla vittima.
Violetta, a mamma, hà dittu chì l’omu avia arrubbatu l’idintità lla so fiddola : « n’hà vulsutu fà a so cosa, l’hà alluntanata da no’ è da i so amichi ».
Jordan, u so frateddu, dopu ad avè cuntatu u calvariu lla suredda, hà parlatu di a so vita d’oghji : « Campu cù i midicini. Circu à fà da ch’iddu ùn mi rodi in tuttu issu dulori. Contu i bucii à i me fiddoli, chì ùn voddu ch’iddi sappiani ch’un babbu pò tumbà una mamma. Ùn a li facciu mancu à cunsulà li ».
Lucien Douib, u babbu, hà parlatu di i so bisfiddoli : « unu accetta i marchi d’affizzioni, ma quidd’altru hà aspittatu dui anni è mezu innanzi di fà mi un basgiu, chì mi rimpruvaraia d’avè mandatu u so babbu in prighjoni ». I dui ziteddi, ad oghji, ùn volini mancu più senta parlà llu so babbu.
In quant’à Bruno Garcia-Cruciani, u spertu psichiatru hà dittu chì i so soli rigreti ùn tuccaiani chè à a so situazioni parsunali.
Sur le même sujet
