Procès de Bruno Garcia-Cruciani devant les assises de Haute-Corse : le calvaire vécu par Julie Douib retracé au cours de la deuxième journée d'audience
Hè stata bedda greva, a siconda ghjurnata llu prucessu di Bruno Garcia-Cruciani, incausatu pà l’assassiniu di Julie Douib.
L’omu hà presu a parolla, è hà datu cunfirma ch’iddu hà discorsu cù a vittima à u sughjettu lla so rilazioni cù un altru omu, intrindu in l’appartamentu, è ch’iddu hè tandu sparatu u primu colpu, ma à smarru.
Da quidd’altra parti, una vicina è un’amica di Julie Douib, ani parlatu d’un veru « calvariu » d’issa donna, rimarcata d’altrondi pà i so qualità umani.
Issu calvariu, uni pochi d’elementi matiriali u mettini in risaltu : parichji ritratti fatti da a vittima stessa, ind’idda pari pista è mucata ; una videò di Bruno Garcia-Cruciani, ch’inghjulia è suttrinna a so mamma, tocca da a malatia d’Alzheimer ; videò è arrighjistramenti di i liti trà Bruno Garcia-Cruciani è Julie Douib, certi volti ancu davanti à i so fiddoli.
Steti à senta à Jean-Sébastien de Casalta, chì riprisenta i parenti di Julie Douib.
