Procès Bastia - Lyon : le jugement
(A redazzioni d'Alta Frequenza) - Dopu à dui ghjorni d’un prucessu longu è quattru ori di deliberazioni, u Tribunali Currizziunali di Bastia hà fattu cunnoscia a so dicisioni inde l’affari Bastia-Liò. Cuncirnendu l’ondeci parsoni chì sò intruti nant’à u tarrenu senza fà viulenzi, novi sò stati cundannati da unu à trè mesi di prighjoni attimpati, accumpagnati da unu à dui anni d’interdizzioni di stadiu, mentri chì dui altri sò stati cundannati à dui anni di prighjoni chì poni essa cunvertiti in travaghji d’intaressu generali. Cuncirnendu i trè sustenidori chì ani fattu viulenzi, unu hè statu cundannatu à trè mesi di prighjoni attimpati, un sicondu à dui mesi di prighjoni cù un antru mesi in più pà ricusu di prilevamentu cù mantenimentu in prighjoni, eppo un ultimu à quattru mesi di prighjoni cù mantenimentu in prighjoni, cundanni accumpagnati da dui anni d’interdizzioni di stadiu. Pà ciò chì tocca u steward incausatu, u tribunali currizziunali l’hà cundannatu à 3 mesi di prighjoni attimpati è 2 anni d’interdizzioni di stadiu. Infini, u direttori di i sirvizi generali di u SC Bastia, Anthony Agostini, hè statu cundannatu à 750 auri d’amenda. Dicisioni di manera glubali menu impurtanti di pettu à ciò ch’ellu dumandava u prucuratori. I partiti civili ani uttenutu un auru simbolicu di danni è intaressi è 1 000 auri à pagà di manera sulidaria pà a FFF è a LFP.
Steti à senta à Marc Antoine Luca, avucatu di dui accusati cundannati à quattru è trè mesi di prighjoni.
