Problématique de l'eau : l'Office d'Equipement Hydraulique de Corse sur le terrain
(A redazzioni d'Alta Frequenza) - Prublematica di l’acqua in Corsica! Tuttu ognunu hà pussutu custatà chì a mancanza d’acquati di a fini di l’annata 2015 è di u principiu di l’annata 2016 hè stata, ed hè, assai impurtanti. Nevi in muntagna, ci n’hè pocu è micca, i surghjenti è i fiumi tirani à u so nivellu u più bassu malgradu a staghjoni, l’inchietudini si multiplicheghjani, soprattuttu in a parti suttana di a Corsica. U matrali di U Spidali in fatti hè statu sbiutatu quist’annu è quillu di Figari n’hè solu à un terzu di a so capacità. Com’è tutti l’opari di Corsica, duvariani essa in traccia d’empiasi, ma pudarà essa u casu solu s’ellu piovi. L’Uffiziu Idrolicu di a Corsica hà intrapresu nant’à u tarrenu è in l’isula sana una visita di i stallazioni pà fà un bilanciu pricisu. A situazioni d’appressu à ellu ùn hè micca catastrofica pà tutta a Corsica, ma bisognu à fà casu soprattuttu à a Balagna è à a Corsica Suttana strema. I matrali di l’Uffiziu Idrolicu sò impiuti par avà à 62% ; un sciffru chì era di 47% annu à listessa epica.
Steti à senta à Saveriu Luciani, u presidenti di l’Uffiziu Idrolicu di a Corsica.
Sur le même sujet
