Prisonniers politiques : travail en commun pour Paul Giacobbi, Corsica Libera et la LDH Corse
(A redazzioni d'Alta Frequenza) - Prima chì l'Assemblea di Corsica ripighjessi i so travaghji annant'à u cartulari difficiuli di l'urganisazioni tarrituriali nova di l'isula, una riunioni tripartita hè stata urganizata ssu vennari da mani trà u presidenti di l'Esecutivu, u gruppu Corsica Libera è a sizzioni Corsica di a Liga di i Diritti di l'Omi. S'hè parlatu duranti ssu scontru di a prublematica di i prighjuneri pulitichi corsi. A sittimana scorsa, una dumanda urali era stata posta d'altrondi da u cunsighjeru tarrituriali naziunalistu Ghjuvan Maria Poli à Paulu Giacobbi. Un insemi di rivindicazioni purtati da l'Associu Sulidarità è a LDH erani stati missi in avanti à ssu mumentu quì, è u presidenti di l'Esecutivu avia annunziatu inde l'emiciculu ch'ellu i faria soii è ch'ellu i purtaria à u nivellu puliticu francesi u più altu. Oghji, i trè parti s'ani da ritruvà pà pudè metta in ballu azzioni sfarenti è scuntrà par asempiu a ministra di a Ghjustizia Christiane Taubira par ch'ella sighi arrigulata infini ssa situazioni.
Steti à senta à Ghjuvan Maria Poli, cunsighjeru tarrituriali Corsica Libera.
Sur le même sujet
