Prisonniers corses : Femu a Corsica demande à l'État de se positionner de façon forte mais ne veut pas suspendre le processus
Duminica, in Corti, pà u siminariu di Femu a Corsica, si hè parlatu di pruposti pà l’autunumia, ciò ch’era privistu, ma a riunioni hè stata disturbata quantunca da l’attualità liata à Pierre Alessandri.
Issa quistioni, d’altrondi, hè stata trattata à tempu apartu u siminariu.
I militanti è u prisidenti Gilles Simeoni ani discorsu di a pusizioni à tena di pettu à u statu, dopu a u ricusu di a meza libartà pà Pierre Alessandri.
Gilles Simeoni ùn avendu fattu u so discorsu privistu pà a fini lla ghjurnata, hè u sicritariu naziunali François Martinetti chì hà datu u pusiziunamentu validatu da i 200 militenti prisenti : Femu a Corsica dumanda à u statu francesu, via gérald darmanin u so ministru di l’internu, d’ingagià si publicamenti pà l’avvena di i prighjuneri pulitichi corsi. L’ingagiamentu pudaria essa una dichjarazioni publica, par spiicà chì u raghjunamentu missu in opara pà a libarazioni di l’anziani d’ETA devi valè pà i prighjuneri corsi, masimu pà Pierre Alessandri è Alain Ferrandi.
Par ciò chì tocca à a prisenza di l’eletti di Femu a Corsica ghjovi è vennari, pà a ghjunta di darmanin, nienti ùn hè statu dittu. Ma pari chì a so prisenza ùn sichi rimissa in causa.
Steti à senta à François Martinetti, u sicritariu naziunali di Femu a Corsica.
