Le Direct

Primaires de gauche : Jean-Luc Bennahmias était en visite en Corse

(A redazzioni d'Alta Frequenza) - S’è in u quadru d’una campagna di i primarii citadini di a manca chì certi pudarani qualificà d’express, a Corsica hà socu sparitu da i radars di i challengers, ùn hè micca u casu di Jean Luc Bennahmias. Quillu chì sarà candidatu cù a bandera Front Démocrate-UDE contr’à i capimachja di u Partitu Sucialistu com’è Benoit Hamon, Arnaud Montebourg, Vincent Peillon è Manuel Valls, contr’à a presidenti di u Partitu Radicali di Manca, Sylvia Pinel, è à u leader di u Partitu Eculugistu, François de Rugy, era in visita nant’à l’isula in fin di simana. Hà multiplicatu i scontri, cù com’è appuntamentu maestru un intrattenu cù u presidenti di l’Assemblea di Corsica, Ghjuvan Guidu Talamoni. Un affari chì dimostra chì Jean Luc Bennahmias vedi d’una manera pusitiva l’evuluzioni di u mumentu nant’à l’isula.

Steti à senta à Jean Luc Bennahmias.