Primaire écologiste : un comité de soutien à Cécile Duflot voit le jour en Corse
(A redazzioni d'Alta Frequenza) - Luntanu da i primari aciarbi à diritta com'è à manca, ci sarà una primaria inde u muvimentu eculugistu da quì à calchì simana. Di fattu, Europe Ecologie les Verts hà da prupona quattru candidati à i militanti eculugisti : Yannick Jadot, Karima Delli, Michèle Rivasi chì era in Aiacciu a simana passata, è Cécile Duflot. L'anziana ministra pò cuntà nant'à un cumitatu di sustegnu, induva si ritrova par asempiu à Hélène Sanchez, chì porta u soffiu eculugistu dipoi parechji anni in u rughjonu bastiacciu. È ss'ultima hè propiu chjara : ancu s'è pà ssa primaria c'hè un sustegnu à Cécile Duflot, u più impurtanti sarà di difenda u prugramma d'Europe Ecologie les Verts chì hè dighjà ditarminatu, pocu impremi a parsona chì si prisintarà à a prisidinziali infini. Soprattuttu, in Corsica, ssa primaria pudaria bè ghjuvà di mumentu di rinvivita pà un partitu chì hè schjattatu da l'internu à u nivellu isulanu, postu chì i sfarenzi di punti di vista è i partenzi di certi ani inghjinnatu un'assenza tutali di u muvimentu duranti l'ultimi tarrituriali.
Steti à senta à Hélène Sanchez.
