Primaire de la droite et du centre : le sentiment de Camille de Rocca Serra
(A redazzioni d'Alta Frequenza) - Cuntintezza strema è chjama à l’adunita, eccu à l’ingrossu u missaghju mandatu stamani da Camille de Rocca Serra, sustegnu di prima trinca di François Fillon. U diputatu di a siconda circuscrizzioni di Corsica Suttana hè propiu suddisfatu di a vittoria à u nivellu naziunali di quillu ch’ellu cunsidareghja com’è un omu cù a statura di un omu di Statu. Par ellu dinò, a Corsica hè è firmarà una tarra sarkozysta. Un umaghju chì Camille de Rocca Serra hà vulsutu renda d’altrondi à l’anzianu presidenti. Stamani, u diputatu suttanacciu chjamava dinò à l’adunita, è soprattuttu à i sustegni d’Alain Juppé in Corsica, da fà chì ss’ultimi s’accuglissini nanzi à u sicondu ghjiru. Basta cù i divisioni, dici Camille de Rocca Serra.
U stemi à senta.
Sur le même sujet
