Présidentielles : les primaires approchent
(A redazzioni d'Alta Frequenza) - Dopu à Nicolas Sarkozy è Jean François Copé calchì ghjornu fà, tuccarà à Alain Juppé à ghjunghja in Corsica, sarà à a fin di u mesi d'aostu. U candidatu à a primaria ind'è Les Républicains pà l'alizzioni prisidinziali di u 2017 si pò arrimbà nant'à l'isula à un cumitatu di sustegnu purtatu par asempiu da Laurent Marcangeli. U diputatu è merri d'Aiacciu, prisenti d'altrondi ss'ultimi ghjorni nant'à i media naziunali nant'à u sughjettu, voli mubilizà à fiancu à altri eletti lucali assai mondu in Corsica inghjiru à u candidatu ch'ellu cunsidareghja com'è u più bonu. Alain Juppé ùn si scurdarà micca di l'isula, dici Laurent Marcangeli chì spera chì i militanti è i simpatizanti di a famighja liberali isulana andarani in u so sensu.
Eccu l'intervista di u diputatu è merri d'Aiacciu.
