Présidentielle : la réaction de François-Xavier Ceccoli suite à la débâcle de Valérie Pecresse
Dopu à u Partitu Sucialistu in u 2017, hè tuccata oghji à i Ripublicani di schiattà in volu pà iss’alizzioni prisidinziali.
valérie pécressei si pidda una bedda tribbia, postu ch’idda ùn francaria mancu i 5 %. Tandu, u so partitu si hà da goda un beddu pinseri à liveddu suldairnu, ch’ùn hà fattu à bastanza par rimpattà a so campagna.
In Corsica, a dritta ditta tradiziunali, chì avia tinutu in u 2017, si hè scialbata bè issa volta. Cinqui anni fà, facia 40 000 voti è 25,52 %. Oghji, n’hè à 9 355 voti è 6,33 %. Ancu Calvi è u Borgu, piazzi storichi lla dritta, sò stati subaccati da a cuddata di marine le pen.
Senza cuntà i tanti voti chì sò andati ind’è eric zemmour.
Chì fà dopu à issu fiascu ? Comu parà l’eletti chì vurriani andà cù emmanuel macron o édouard philippe ? Comu vutà, da quì à quindici ghjorna ?
Steti à senta à François-Xavier Ceccoli, u prisidenti di i Ripublicani llu Cismonti, chì s’infuriighja contru à quiddi chì s’ani lasciatu a dritta pà andà à manghjà in i cameddi di emmanuel macron è édouard philippe.
