Le Direct

Présentation du Projet Régional de Santé pour la Corse

(A redazzioni d'Alta Frequenza) - "Un'ambizioni, a vostra saluta", à traversu à issu slogan chì ni dici assai, l'Agenza Righjunali di a Saluta di Corsica prisintava i so ambizioni pà l'anni à vena, inde issu duminiu di i più impurtanti. L'ARS prisintava di fattu, in fin di settimana scorsa, u so prughjettu righjunali. Quissu quì sarà prupostu dopu à a cuncertazioni, è farà l'ughjettu di un dibattitu trà i dui cunsighji ghjinirali, a CTC, i merrii, i servizii di u Statu è a cummissioni righjunali di Saluta. Issu ducumentu adunisci i grandi sfidi à vena, cuncirnendu a privenzioni, a veghja sanitaria, i curi, u medico suciali è a saluta ambientali. U direttori di l'ARS hà vulsutu incalcà nant'à u fattu chì a nostra isula "ùn avia micca à vargugnà si di u so sistema di saluta", mancu appena. Frà i prughjetti è l'azzioni ingaghjati : una 3a IRM in Purtivechju, è dui scanners nant'à a piaghja urientali sò dighjà stati validati. Mentri chì a pruposta di una 2a IRM in Bastia ferma un affari di primura, com'è u mantinimentu di a radiuterapia in Corsica, i curi pà i prighjuneri, a presa in carica di i parsoni anziani, o ancu a criazioni di una casa dipartimintali di l'adulescenti ind'u meziornu stremu è da quì à pocu in Balagna.

On écoute Jean-Jacques Coiplet, Directeur de l’ARS de Corse.