Première nuit pour les jeunes enseignants et CPE corses devant le Rectorat
(A redazzioni d'Alta Frequenza) - Una vintina di membri di u cullittivu di ghjovani corsi, titulari novi di l'Educazioni naziunali, stà dunqua dipoi arisera (marcuri) davanti u Retturatu di Corsica in Aiacciu. Ani passatu a nuttata sana sottu à tendi. Ramintemi chì ssi prufissori è CPE, chì sò ubligati à parta in cuntinenti pà u so prima postu, ricusani ssa situazioni. Arimani dopu meziornu, c’hè stata una riunioni publica in Corti cù par asempiu membri di i partiti pulitichi naziunalisti Femu a Corsica è Corsica Libera. Ssi ghjuvanotti, chì volini stà in Corsica pà travaghjacci, ani scuntratu prima di què u cunsighjeru esecutivu Petru Ghionga, chì hà da mandà una lettara à u ministeru di l'Educazioni naziunali pà alertà a ministra annant'à u so casu. Ssu ghjovi da mani, sindicati di l’insignamentu duvariani scuntrà u rettori d’accademia, mentri chì à 10 ori, un’adunita maiò hè privista davanti u retturatu, cù a prisenza d’eletti di a Corsica.
A mubilisazioni pighja dunqua un versu novu, com'ella a ci spiega Christelle Moretti, pà u cullittivu.
Sur le même sujet
