Pour le droit à la vérité : les députés se mobilisent au sein de la commission des lois
Luni in parigi, i diputata lli gruppi pulitichi di l’assemblea francesa ani fattu una cunfarenza di stampa, dui ghjorna innanzi ch’iddi s’aprini l’audizioni in cumissioni di i legi, da sapè ciò ch’iddu n’hè à veru di a prova di micidiu contru à Yvan Colonna.
bruno questel, u diputatu LREM, dici ch’iddu ci voli à veru ch’idda surghji a virità. U diputatu di l’Eure aspetta spiicazioni pricisi da l’amministrazioni pinitinzaria, par ciò chì tocca à i so fiaschi è mancanzi.
Eppuri, ùn la pò cuncipì ch’idda ci sichi a cumplicità di u statu francesu.
U diputatu lla maiurità prisidinziali dici ancu calchì parolla di a visita di gérald darmanin in Corsica, marcuri è ghjovi.
Steti lu à senta.
U drittu à a virità, eccu ciò ch’iddu dumanda u diputatu LFI eric coquerel. L’elettu di Seine-Saint-Denis dici ch’iddu ci vurria à cumplittà iss’audizioni cù una vera cumissioni d’inchiesta parlamintaria. L’affari, tecnicamenti, hè facitoghju, ma si tratta chivi d’una scelta pulitica.
Parlendu di a visita in Corsica di gérald darmanin, u diputatu llu partitu di jean-luc mélenchon pensa chì u ministru francesu di l’internu ùn sarà mancu stampa in situazioni di dà validazioni d’un’evuluzioni stitiziunali, o d’una ricunniscenza qual’ch’idda sichi.
Steti à senta à éric coquerel.
À inizià issa cunfarenza, sò stati i quattru diputati corsi. A priurità, trà i missioni d’issa cumissioni, hè ben’intesa di fà surghja a virità par ciò chì tocca à issa prova di micidiu. Ma ci vurrà ancu à andà più luntanu, hà dittu Paul-André Colombani, dumandendu avvicinera è libarazioni pà i prighjuneri pulitichi.
Ma pà u diputatu lla siconda circuscrizzioni llu Pumonti, gérald darmanin ùn ni pudarà purtà suluzioni cuncreti, par ciò chì tocca à l’evuluzioni è u rigulamentu lla quistion i corsa.
Steti lu à senta.
Sur le même sujet
