Possible association de malfaiteurs : deux hommes interpellés à Ajaccio
(A redazzioni d'Alta Frequenza) - Dui parsoni sò in guardia custodia dipoi luni à sera ind'u cummissariatu d'Aiacciu. Sò stati arristati nant'à a strada di u Salariu, duranti un simplici cuntrollu d'identità. Drentu à a vittura, i pulizzeri ani da scopra armi è munizioni. D'appressu à i servizii di a prifettura di Corsica, i dui omi sò "cunnisciuti da i servizii di pulizza". Vicinu, l'inchiestadori ani cunfiscatu dinò un scooter duva hè statu ritrovu un pussibuli dispusitivu di splusioni è benzina. Pari dinò, sicondu i pulizzeri, chì trè altri parsoni sighini scappati. Sò ricircati cun insistenza. L'inchiesta hè stata cunfidata à a pulizza ghjudiziaria. U ministeru publicu, par avà, ùn ni dici micca di più.
Sur le même sujet
