Port du masque, horaire de fermeture des débits de boisson : le préfet de Haute-Corse renforce les mesures en place
U prifettu llu Cismonti dici in un cumunicatu ch’iddu si hà da rinfurzà l’ublicu di purtà a mascara in certi cumuni, è chì à i caffè è altri lochi di vendita di biendi, li tuccarà à chjuda à dui ori di mani. Dirugazioni, ùn ci ni sarà.
Dici u prifettu chì « cù a staghjoni turistica, è a ghjunta di 90 000 parsoni ugni sittimana in u dipartimentu, sò stati rimarcati parichji cuntaminazioni, mentri sirati di fistighjera ind’iddi si sò allinati i cumpurtamenta. Mantena iss’attività sinu à ori tricaticci faci crescia l’accolti è i dispiazzamenti chì attivariscini a circulazioni llu coronavirus »
A mascara sarà dunqua ublicata à nantu à a cumuna di Sant’Antuninu. In Bastia, ci vurrà à purtà la ugni sabbatu è duminica, da 8 di mani ori à 2 ori llu dopu meziornu, in piazza à u marcatu, in tutta a piazza San’Niculaiu, à nantu à u cursu Pierangeli è i carrughji Jean Casale, Sébastien de Casalta, Luiggi Giafferi è Cardinali Viale. Infini, in i Prunelli di u Fium’Orbu, sarà u stessu affari pà a piazza llu marcatu di Migliacciaru, da 8 ori di mani à 2 ori llu dopu meziornu, ugni marti è sabbatu.
Sur le même sujet
