Port de Bastia : une décision prise dans l'année selon le président de l'Exécutif
Carbunita, Portu Novu, o crescita è stesa llu portu attuali : eccu i trè prughjetta chì l’Esecutivu lla Corsica hà da metta in cuncurrenza pà l’annu à vena, in u cartulari, dilicatu sempri, di u novu portu di cumerciu di Bastia, chì n’hè un perpetuu « torna à Vignali ».
L’annunciu, l’hà fattu ufficialmenti Gilles Simeoni, mentri u primu cumitatu d’accumpagnamentu d’issu prughjettu. Ed hè statu prisintatu chivi u studiu avviatu da l’anziana maiurità tarrituriali pà a Carbunita, chì oramai i so risultati sò cunnisciuti. S’iddu fussi fattu, issu prughjettu pudaria pisà à nantu à u bor’di mari, par dui chilomitra à u meziornu di l’opara, ma dinò à nantu à a ruditura.
L’ughjittivu hè di pudè sbuccà à nantu à una dicisioni pà issu cartulari, in l’annu à vena.
Stemu à senta à Gilles Simeoni, u prisidenti di l’esecutivu lla Corsica.
I scintifichi, iddi, lentani un ochji intarissatu à issu studiu, ma mintuvighjani quantunca l’incirtezzi liati à i cambiamenti climatichi.
Eppuri, pà Antoine Orsini, ch’era sinu à pocu u prisidenti llu cumitatu sciintificu llu Parcu Naturali Righjunali lla Corsica, issi studii, fatti à l’urigina pà u prughjettu lla Carbunita, facini veda chì u prughjettu llu Portu Novu, parvia ch’idd’hè più minori è parch’idd’hè pusiziunatu di più à u nordu, pisarà menu à natu à l’embiu s’idd’hè sceltu.
Stemu à senta à Antoine Orsini.
Sur le même sujet
