Polémique autour des aires marines protégées
(A redazzioni d’Alta Frequenza) - L’aghji marini corsi sò à un centru di principiu di pulemica. L’affari cummencia cù una cunvenzioni firmata trà a Cullettività Tarrituriali di Corsica è l’agenza di l’aghji marini prutetti di Brest. À u centru di issa cunvenzioni, a perspettiva di a criazioni d’aghji marini novi listessi à quilli di l’Isuli Lavezzi è di Bunifaziu in tarmini di prutezzioni di l’ambiu ghjinirali. Un affari chì ùn cunveni micca à u cumitatu righjunali di i peschi di Corsica, assai intimuritu ; quissu quì ammintendu ind’una lettara à l’agenza di Brest chì i piscadori si sò « sempri criduti maestri di un tarritoriu cù una gistioni chì l’era cunfidata istituziunalementi », è chì i piscadori « devini firmà libari ind’u so modu di gistiscia ». Una riazzioni chì ùn hè micca piaciuta à l’associu U Levante, chì hà publicatu nant’à u so situ internet una coppia di issa lettara, è dici chì « u mari ùn devi micca essa cunsidaratu com’è una riserva à manghjusca ».
Sur le même sujet
