Plusieurs supporters bastiais interpellés ce mercredi matin
(A redazzioni d'Alta Frequenza) - Dipoi sei ori di mani, parechij sustenidori di u SC Bastia, membri di u gruppu di sustenidori Bastia 1905, sò stati arristati in parechji lucalità di Corsica da a pulizza ghjudiziaria. Quissi quì, sei à u minimu, à mezu à i quali u presidenti di Bastia 1905 sicondu un cumunicatu di u gruppu chì amenta dinò una parquisizioni in u so lucali in Bastia, sò stati arristati in u quadru di una cumissioni rugatoria di un magistratu di a pricura di Bastia cuncirnendu fatti chì sariani accaduti in marghjina di a manifistazioni in sustegnu à Maxime Beux è Rémi di Caro, chì era stata urganizata u 20 di farraghju senza nisun incidenti in ssu mentri. Arristazioni chì accadini u ghjornu di u passaghju davanti a ghjustizia di u ghjovanu sustenidori bastiacciu Ghjilormu Garelli, dopu à l'evenimenti di u 14 di farraghju dopu a partita trà Reims è Bastia. U gruppu Bastia 1905 chjama à un'adunita di sustegnu stasera à 6 ori davanti u cumissariatu di Bastia.
Sur le même sujet
