Le Direct

Plusieurs rixes en Haute-Corse dans la nuit

(A ridazzioni d'Alta Frequenza) - In a notti da vennari à sabbatu, ci sò stati parichji baruffi in u Cismonti. Versu 1 ora è mezu, in Lucciana, ùn omu di cinquant’anni hè statu minatu à nantu à u tupizzu , à nantu à u nasu è in faccia. Hè statu purtatu à u spidali di Bastia.

Versu 2 ori è mezu, ci sò stati dui altri baruffi. A prima, in Vintisari : un ghjuvanottu di vintott’anni hè statu fertu di cultedda, à i mani è in faccia. A siconda, in i Fulelli : davanti à un caffè, un ghjuvanottu di diciott’anni hè statu minatu à nantu à u tupizzu. I dui parsoni sò stati purtati à u spidali di Bastia.