PLU d'Ajaccio : l'espoir !
(A redazzioni d'Alta Frequenza) - Hè piuttostu una bona nutizia com'è un rigalu chì pudaria ghjunghja sottu à u ghjallicu di tutti l'aiaccini : a dilegazioni spiciali chì gistisci a Cità d'Aiacciu hà dicisu di fà appellu di i dicisioni di u tribunali amministrativu di Bastia annulendu u PLU, ss'appellu sarà accumpagnatu da una dumanda spicifica. S'ella hè accittata, è pudaria intarvena in un tempu assai cortu, u Pianu Lucali d'Urbanisimu d'Aiacciu firmarà in appiecazioni fin'è a criazioni di un PLU novu. Hè impurtanti di pricisalla, ss'appellu, chì sarà postu da quì à calchì ghjornu, ùn ingaghjarà micca u prossimu cunsighju municipali elettu; in fatti, pudarà sempri cambià d'avisu ghjirendusi ver di a corti amministrativa d'appellu di Marseghja. Ssa dumanda d'annulazioni di a dicisioni di u TA, ed hè stata spiegata stamani (luni) largamenti duranti una cunfarenza di stampa, t'hà com'è scopu micca solu di cuntinuà l'appiecazioni di u PLU di u 2013, ma dinò di riducia à cortu andà l'effetti i più pessimi di l'annulazioni chì sò intarvinuti.
Steti à senta à André Valat, u presidenti di a dilegazioni spiciali pà Aiacciu.
Sur le même sujet
