Per a Corsica : Rassemblement pour les 250 ans de la bataille de Ponte Novu
(A ridazzioni d'Alta Frequenza) - Tutti i muvimenti di Pà a Corsica sò insemi, da unurà i 250 anni di a battaglia di u Ponti Novu. « 250 anni dopu, a Nazioni Corsa hè sempri quì, chì pà u sempri ferma una rialità umana, chì nisciun’ statu ùn pudarà spanticà nè nigà », dicini i militanti è eletti, chì ni chjamani à un’accolta pà issu marcuri, à 2 ori. « Issi 250 anni sò quì da ramintà ci ch’iddu ci tocca à fà valè, masimu in iss’andana, i principii maiori di a lascita paulina, chì quissi c’impremini à veru, è sò sempri d’attualità : l’esigenza di a libartà, pà issu populu corsu maestru di u so distinu, ma dinò quidda di a dimucrazia è di a ghjustizia, da custruì una sucità isulana chì viaghji cù l’emancipazioni, u rispettu è u prugressu ». Pà issu dopu meziornu, hè privista una cunfarenza d’Antonu-Maria Graziani, à 2 ori, po’ a missa è a prucissioni, à 5 ori. Infini, ci sarà una sirata musicali cù u gruppu A Sampetrina.
Ritrattu Per a Corsica
Sur le même sujet
