Pelouse du centre de formation du SC Bastia : un ex-administrateur du club condamné pour recel d'abus de biens sociaux
(A ridazzioni d'Alta Frequenza) - Era ghjudicatu issu marti, in Bastia, l’affari llu tarrenu sinteticu llu centru di furmazioni llu SC Bastia, in Borgu. A so stallazioni, ch’era custata 700000€ trà u 2012 è u 2013, si saria fatta cù muvimenti suspetti di solda, signalati da TRACFIN, par circa 150000€. Patrick Savoy, ch’avia fattu u ponti trà l’impresa è a squadra, è Alain Seghi, amministratori lla SASP SC Bastia tandu, erani ghjudicati, da avè piattatu un abusu di bè suciali. I dui parsoni sò stati cundannati à deci mesa di prighjoni è 10000€ d’amendi, i peni issendu stati attimpati. Alain Seghi nega ciò chì l’hè rimpruvaratu da a ghjustizia. U so avucatu, Julien Pinelli, hà dittu ch’iddu si tinia a pussibilità di fà appellu d’issu ghjudicamentu.
