Patriotti dénonce des amendes indécentes et disproportionnées
(A ridazzioni d'Alta Frequenza) - Sabbatu, u cullittivu d’anziani prighjuneri pulitichi « Patriotti » hà datu una cunfarenza di stampa da sustena à Pierre-Paul Battesti. Hà ramintatu, u cullittivu, chì a so azzioni si voli cumplimintaria di quidda di l’associ chì si battini chì sò anni è anni pà i prighjuneri pulitichi. U cullittivu ramenta chì Pierre-Paul Battesti, com’è dui altri parsoni, devi pagà 17000€ di danni è intaressi à l’agenza ghjudiziaria llu statu. Ci sò dinò circa 50000€ d’indinnisazioni è di prighjudiziu curpurali à un agenti lli forzi di l’ordini. Par Patriotti, u ghjuvanottu duvaria pagà amendi sprupusitati è vargugnosi, chì currispondini à 55 misati è sei anni di travaddu. Mintuvendu issu casu, Patriotti voli dinuncià a cundizioni di l’anziani prighjuneri pulitichi.
