Passe d'armes entre le gouvernement et le duo François Pupponi et Jean-Luc Mélenchon concernant la Corse et l'état d'urgence sanitaire
Vennari, à l’assemblea naziunali francesa, si hè parlatu di u prughjettu di legi pà l’urgenza sanitaria, di pettu à u Covid 19.
Parichji amindamenti sò stati missi in dibattitu. Quiddi prisintati da i diputati corsi, chì sò stati scantati tutti, dumandaiani di metta in u prughjettu di legi un pianu di scunfinamentu spicificu pà a Corsica, è ancu un pianu da salvà l’ecunumia, è masimu u turismu.
Issu puntu di vista, l’hà difesu François Pupponi, u diputatu llu gruppu « Libertés et Territoires », chì no’ stemu à senta.
Issu puntu di vista, l’hà sustinutu ancu Jean-Luc Mélenchon, u capifila di « La france insoumise ». À senta lu, ci voli à metta in anda mezi spicifichi pà a Corsica. Li pari curiosa, à Jean-Luc Mélenchon, chì un guvernu chì di regula teni à idintificà i tarritoria, ùn achi nudda à risponda à l’eletti corsi pà issu particulari.
Steti à senta u capifila di « la france insoumise »
In a so risposta, olivier véran, u ministru francesu lla saluta, hà dittu ch’idd’ùn ci era bisognu à scriva certi affari in a legi par fà li.
Hà dittu ch’inveci, a legi hà ghjuvatu da parà certi pruposti, masimu quidda chì dumandaia pà a Corsica l’usu di l’idrussicluruchina, è chì era purtata da l’eletti isulani.
In quantu à u fattu di truvà scrittu in sta legi « le territoire national et la Corse », hà dittu chì puri ùn issendu bedda a scrittura, pudia ghjuvà da pricisà chì, quand’iddu si dici « vena in Corsica », voli dì à tempu vena da a francia o vena da un altru paesu stranieri.
Steti à senta u ministru francesu lla saluta.
Sur le même sujet
